佢地兩隻嘢都唔知係咪知道今日係佢地大日子，放leash之後周圍走，成個PR咁，難得啲人又同佢地玩，咁講真，去得dog cafe都應該係鐘意小動物嘅，起碼唔會好似住我隔離屋嗰個阿姐咁,"我好驚呀，我真係好驚呀～～..." 好心咪學人住跑馬地啦！
Derek本來一早帶咗肥仔嚟，因為肥仔要熱身，如果唔整走佢啲energy，啲人嚟齊時就好麻煩。不過肥仔實在太激動，少少事都trigger到佢吠或者追殺，所以Derek都頂唔住要帶佢走先。
邀請咗好多朋友仔，有寵物冇寵物都有。而動物朋友仔包括souris，minou，sundae，肥仔，細佬，阿旺，仲有專誠book咗隔離台，阿妹同事嘅狗狗。
Dogside Cafe 預備嘅cake好cute呀，係魚骨型，有好多餅餅放喺上面。
今日爸爸仲幫佢地影左啲靚相添
