Monday, August 30, 2010

邊個?!

阿力話,今朝好勞氣!朝早沖完涼出到嚟,入房時見到床上面,應該係張被上面,有一大泡尿,而「兇手」當然不翼而飛。兩隻狗狗已經知衰喱喺枱底,當然無從稽考誰是兇手啦!但張大綿被咁就要報銷,啲尿尿已經索哂入被裡面,就算晒乾都冚唔落啦。

Wednesday, August 18, 2010

又嚟!

用咗新嘅狗廁所都好幾日,諗住穩穩陣陣,點知有日放工,一打開房門,登登登凳!


好肯定係豆豆嘅傑作,因為BonBon雖然笨啲,但佢有紀律啲喎,起碼好少周圍尿尿,更加唔會玩片片,但一但豆豆撩咗啲片出嚟,咁就唔擔保阿Bon唔玩埋一份!唉,於是我當然手握狼牙棒,大聲呼喝,兩隻嘢咪九秒九攝咗入檯底囉!