小狗趣事一則

話說每當要飲水或食飯時間，都係豆豆就過嚟哄哄我，我就知佢有所要求，問佢「要乜呀」，豆就會用頭頂一頂個水兜或者糧食袋，咁我就為佢哋效勞。呢個動作從來都未教過，豆自動自覺每一次如是。Bon就係小跟班，有水就飲，有飯就食。

今日，豆hea喺一邊歎冷氣，而Bon終於自己有所要求，望吓我，望吓個水兜。我諗，冇豆在旁，點都要學吓獨立，做吓嘢。咁我都係同佢講「要乜呀」，佢都係望吓我，再望個兜，我堅持要佢學識點要求我做嘢，但好幾次都係如是。豆無喇喇叫囂咗一聲，我就同Bon講，嗱，豆都話你喳呀，快啲做出要求！不過Bon生性小跟班，都係唔識做，激死！而突然之間，豆終於忍唔住，老遠就過嚟，二話不說，頂咗個兜一吓。大家姐真有風範，見Bon咁無助，自動幫拖，真係笑死咗！

Bon Dau 的寫真

爸爸買咗部lomo機，隨意幫佢哋影咗啲所謂沙龍！

 

happy outing at Cyberport

hand in hand...

超chill嘅下午

Bon Dau好鍾意哂下日光浴，雖然唔可以expose喺陽光下太耐，會哂死，但喺屋企，啲陽光透入屋，喺地上面碌碌吓，非常寫意！

BonBon: *yawn* 唔駛做，齋嘆，真寫意!

BonBon: What's Up!?

Milo家訪

阿妹剛買咗隻小狗狗Milo，夠三個月，打哂針可以出街見人，所以有日帶咗佢上嚟探BonBon同DauDau。

BD一向有禮貌對待所有人與動物，但Milo未見過呢兩隻龐然大物，唔知會唔會出事。於是我做哂隔離措施，以防萬一。估唔到三隻小朋友非常友好，而Milo亦好易相處，佢哋玩得好開心！

試玩 8mm Vintage Video

終於買咗iphone，有影相function，咁就download咗唔同嘅apps，呢個係8mm Vintage movie maker，搵咗Bon Dau試玩

Good Girl 豆豆

餵咗幾日藥，豆豆開始習慣，雖然每次都係黑面，但叫佢入廁所，幾不願意，都會入，咁多次叫都冇叫過一聲，真係乖得令我佩服！

豆豆啱啱食完藥

豆豆病倒了

琴晚，平日好動嘅豆豆無啦啦嘔吐大作，像食物都嘔哂出嚟，由於佢有時肚仔唔舒服都會嘔，所以諗住嘔完應該冇事。但佢好不安，有時跳上梳化，有時咆哮叫囂，個心有啲驚。叫叫吓，佢又嘔，嘔到冇嘢嘔，就嘔水，臨瞓時仲跳上將床，嚇死我哋！最後一次嘔水，仲有塊膠，可能係咁定住個胃。

第二日，爸爸放半晝帶豆去睇肥佬醫生，又驗X光，又抽血，打埋針，要食八日藥

睇吓，十幾種藥，每晚都要用廿分鐘餵佢。