從錯誤中學習

教狗狗原來真係要從錯誤中學習。今朝起身發覺一隻紙拖鞋唔見咗一半，當然另一半已經喺佢地個肚仔度。第一時間當然係鬧鬧鬧，但即刻想到冇用，因為唔係即場逮捕，冇意思！於是我拿住剩餘嘅鞋放到客廳中間，逼佢地坐喺側邊，然後指住拖鞋大聲NO咗好多次，再行開。久不久出嚟check吓佢地有冇擔走隻鞋，一有舉動即刻大叫NO。久而久之，佢地知呢樣東東係唔掂得。其實BonBon同DauDau都真係好乖，除咗戒唔到食紙巾之外，大至上都唔會亂咬野，除非expose咗出嚟好似地膠之類啦，所以都要經常dog proof間屋，事關佢地真係玻璃肚嚟！

第二日俾兩隻流動鬧鐘準時八點鐘叫醒，發覺我另一隻綿質拖鞋又唔見咗一半.....

唉，教狗之路都仲係好遙遠....